A Xunta discrimina ás mulleres
O permiso de nacemento e adopción/acollemento no SERGAS
- Mesa Sectorial
- Sanidade Pública
Na última reunión da comisión de permisos, o SERGAS confirmou que a Xunta de Galiza non vai aplicar a ampliación do permiso de nacemento e adopción/acollemento aprobada polo Estado para as empregadas públicas.
Como queda o permiso?
As mulleres manteñen 22 semanas de permiso, sen ningunha mellora respecto á situación anterior.
Os homes pasan de 16 a 19 semanas grazas á modificación estatal.
A flexibilización de 2 semanas só estará dispoñible para crianzas nadas desde agosto de 2025. Isto significa que as mulleres que xa gozaron das 22 semanas non teñen opción a desfrutar 2 semanas dentro dos 8 anos
de vida da crianza de forma flexible.
Que fai a Xunta?
En lugar de ampliar dereitos, o PP utiliza a reforma estatal para aforrar cartos a costa das mulleres.
As mulleres seguen coas mesmas 22 semanas e non se lles recoñece ningunha mellora real.
Que demandamos desde CIG-Saúde?
Que a Xunta recoñeza e aplique de inmediato as 3 semanas adicionais que o Estado concede, sumando así 25 semanas para as mulleres.
Que se respecte o dereito a utilizar 2 semanas de maneira flexible ata que a crianza cumpra 8 anos, en igualdade co resto de traballadoras.
Que esta ampliación se incorpore antes de que remate o ano, a través da Lei de medidas, garantindo así igualdade real.
Que a Xunta deixe de perpetuar desigualdades e de aproveitar as reformas estatais para recortar dereitos ás mulleres do sector público galego.
Non ao recorte nos dereitos das empregadas públicas!!
