Acordo de melloras retributivas e de condicións de traballo 2023

Gardas de todas as categorías, de atención primaria, hospitalaria e persoal residente en formación

• Incremento do 7,9% nas gardas de presenza física e localizada, en días laborables, en todas as categorías.
• Incorpóranse por 1ª vez no SERGAS as gardas de presenza física e localizada en domingos e festivos para todas as categorías, cun incremento do 15,61%.
• No persoal médico, a partir de 5 ou máis gardas/mes, as gardas de presenza física terán un valor de 37 €/hora.

Atención continuada de todas as categorías: noites, domingos e festivos, e noites prefestivas

• Incremento do 7,9% no complemento de nocturnidade, para todas as categorías.
• Incremento do 15,61% no complemento de festividade, para todas as categorías.
• Incremento do 15,61% no complemento de noite de sábado ou prefestiva, para persoal sanitario non facultativo, e de xestión e servizos.
• Por 1ª vez considérase a noite de venres como noite prefestiva.

24 e 31 de decembro

• A partir de agora, todas as categorías do SERGAS que presten servizos de xornada ordinaria o 24 e 31 de decembro, terán dereito ao cobro dun módulo de festividade.

Turnicidade

• Incremento do 7,9% do complemento de turnicidade, tanto o rotatorio simple coma o rotatorio complexo.
• Na atención primaria incluirase o complemento de turnicidade nas quendas de tarde e deslizantes.

Descansos e organización das gardas

• No mes de xuño negociarase na mesa sectorial a actualización da normativa das gardas localizadas e das libranzas, para todas as categorías incluído o persoal residente.
• CIG-Saúde solicitamos que ademais de garantir os descansos diarios, festivos e semanais, se estableza un nº máximo de gardas localizadas.

Xornada laboral

Redución paulatina de 112 horas sobre a xornada de 37,5 horas, equivalente ás 35 horas semanais.

• ANO 2023: redución de 21 horas, ou 3 días.
  • Quendas fixas de mañá, tarde e deslizante: aplicarase na quenda de sábado.
  • Quenda rotatoria complexa, persoal de PAC, médicos/as de urxencias hospitalarias e persoal residente: aplicarase sobre a xornada asignada.
• ANO 2024: redución de 49 horas máis, ou un total de 10 días.
• ANO 2025: redución de 42 horas máis, ou un total de 16 días.

De non ser posible a cobertura da redución dos sábados no persoal enfermeiro, aboarase o sábado como xornada complementaria.

A redución de xornada aplicarase a partir de xullo de 2023.