CIG informa da Mesa Sectorial de Sanidade

Información de diversos temas tratados na reunión

  • AgMédica
  • Permisos e licenzas
  • Sanidade Pública

Creación da categoría de médico/a de hospitalización a domicilio.

Desde CIG-SAÚDE apoiamos a creación desta categoría, xa que foi unha das nosas demandas e recolleron parte da alegacións que nos presentamos:

  • Para acceder a esta categoría vai ser requisito estar en posesión do título de médico/a de familia, de medicina interna ou de xeriatría.
  • O réxime de xornada deste persoal comprende a realización de xornada complementaria, realización de gardas.
  • O persoal fixo que se integre nesta categoría poderá solicitar excedencia por incompatibilidade no sector público, na categoría de orixe.
  • A incorporación nesta categoría é aberta, o persoal fixo en unidades de HADO que cumpra os requisitos poderá acceder a ela a través do concurso de traslados.
  • Convocaranse as prazas a traslado e OPE.

Desde CIG-Saúde solicitamos que a cobertura dos seguros dos vehículos de HADO fose completa en todos os centros.

Ver documento

Creación da categoría de Técnicos de Superiores en Dietética.

Quedou  aprobada a creación desta categoría.

Desde CIG-Saúde insistimos na reversión á sanidade pública, dos servizos privatizados.

CIG-Saúde insistimos en que a incorporación deste colectivo non pode ser a cargo de prazas xa cubertas con persoal doutras categorías.

Ver documento

Posto de Coordinadores/as de Técnicos/as Superiores.

A Administración presentou unha primeira proposta para os postos de coordinadores/as de técnicos/as superiores, para enviar alegacións.

CIG-Saúde solicitou que se convocasen canto antes os postos que actualmente están exercendo como coordinadores de técnicos/as nos centros.

Vacacións do ano 2020

A Administración presentounos un borrador de instrución para que o persoal do SERGAS desfrute das vacacións do ano 2020 dentro do período ordinario, en previsión dun posible estado de alarma de cara ao outono. Dan de prazo para alegacións ata o martes 12.  Ver borrador

 

Ver documento

Volver