-1c363c50-s780.jpg)
CIG-SAÚDE non avalará coa súa presenza, na entrega das Medallas de Galiza, a política de recortes e precarización da Xunta
Non podemos participar nun acto dun goberno que só practica políticas de xestos.
- Coronavirus
- Sanidade Pública
CIG-SAÚDE non avalará coa súa presenza, na entrega das Medallas de Galiza, a política de recortes e precarización da Xunta.
CIG-SAÚDE congratúlase con que o persoal da sanidade pública reciba a Medalla de Galiza, xa que estas representan o agradecemento público á prestación de servizo, non só, durante a pandemia de COVID, senón o resto dos 365 días de todos os anos.
O persoal da sanidade tamén quere agradecer o comportamento da sociedade galega, e lamenta non poder ofrecer unha asistencia mais en consonancia coas necesidades sanitarias da poboación.
Máis queremos que a sociedade saiba que xs profesionais poñen todo o seu esforzo e traballo para intentar minimizar os recortes que o goberno fai na sanidade pública.
Cando as políticas de persoal que exerce coas/os traballadoras/es da sanidade pública, tradúcense en:
- Percibir unhas retribucións inferiores ao resto de empregados públicos.
- Un cadro de persoal recortado que sobrecarga o traballo dxs profesionais.
- Unha denegación continua dos permisos de conciliación familiar.
- Contratacións en precario con alta taxa de eventualidade…
Sr Feijóo as Medallas de Galiza son o recoñecemento do pobo galego ao persoal da sanidade, non é o seu recoñecemento nin o do seu goberno. Cando van devolver os dereitos laborais e retributivos ao persoal da sanidade?
Agardamos que no acto da entrega de medallas faga un discurso institucional, sen utilizar ao persoal da sanidade no seu beneficio persoal.
