CIG-SAÚDE reúnese coa Plataforma de Técnicos sanitarios pola reclasificación profesional conforme ao EBEP

A federación de Saúde de CIG, vén de reunirse en Santiago de Compostela no día de onte coa Plataforma estatal de técnicos. Puxéronse en común as reivindicacións no referente ao desenvolvemento da disposición transitoria do EBEP, co obxectivo de que nos orzamentos do Estado do ano 2020 se inclúa a reclasificación profesional do persoal técnico sanitario no grupo de clasificación que lle correspondería polo súa cualificación profesional.

Dende CIG-Saúde vímolo demandando dende o ano 2008 e reiteramos o noso compromiso de seguilo facendo ata que o Goberno do Estado o desenvolva.