CIG Saúde solicita o cumprimento do acordo de residentes
Que se reúnan as comisións de seguimento para esixir o cumprimento da xornada, tempo de traballo e descansos do persoal residente
- AgMédica
- Sanidade Pública
Diante dos incumprimentos reiterados do artigo 5 do Acordo polo que se melloran as condicións de traballo e retributivas do persoal residente en formación do SERGAS,
CIG-Saúde solicita que se reúnan as Comisións de Seguimento para esixir o cumprimento da xornada, tempo de traballo e descansos do persoal residente.
O Acordo, entre outras cousas, recolle que:
• A xornada anual será de 1624 horas e, con carácter xeral, non realizarán máis de cinco gardas ao mes, este número de gardas poderá ampliarse ata sete por necesidades formativas.
• O persoal residente terá dereito a un período mínimo de descanso ininterrompido de 12 horas entre xornadas. Cando as necesidades formativo-asistenciais derivadas da atención permanente nos centros impidan o desfrute do referido período de descanso, aplicarase o réxime de compensación por descansos alternativos establecido no estatuto marco.
• O horario da actividade do residente, tanto en xornada ordinaria como complementaria, adaptarase ás características organizativas da unidade en que presten servizos de acordo co programa formativo.
A formación de Residentes debería ser unha prioridade para a Sanidade Pública.
Non hai formación de calidade con condicións de traballo precarias.
