Concurso de méritos de estabilización das categorías de persoal de investigación

RESOLUCIÓN do 27 de xuño de 2024, da Dirección Xeral de Recursos Humanos, pola que se declaran, con carácter definitivo, as persoas aspirantes admitidas e excluídas nas convocatorias excepcionais do proceso selectivo de estabilización, polo sistema de concurso de méritos, para o ingreso nas categorías de persoal de investigación e se publican as datas de realización da fase de entrevista.

Publícase no DOG o listado definitivo de admitidos/as e excluídos das seguintes categorías de persoal investigador:

• Investigador-non sanitario-subgrupo A1.

• Investigador-sanitario-subgrupo A1.

• Investigador-sanitario-subgrupo C1.

As persoas excluídas poderán interpor recurso contencioso-administrativo no prazo de dous meses, contados a partir do día seguinte ao da publicación da resolución, nos termos da Lei 29/1998, do 13 de xullo, reguladora da xurisdición contencioso-administrativa. Potestativamente, e con carácter previo, poderán interpor recurso de reposición, ante a Dirección Xeral de Recursos Humanos do Servizo Galego de Saúde, no prazo dun mes contado desde o día seguinte ao desta publicación.

Persoas aspirantes admitidas e citadas á entrevista

• Duración máxima de corenta minutos.
• Deberán defender a vinculación dos seus méritos coa liña de investigación da/das praza/s a que optan.
• A orde de celebración das entrevistas comezará por aqueles aspirantes cuxo primeiro apelido comece pola letra «T».
• Lugar: na Axencia Galega de Coñecemento en Saúde (ACIS) na sala 3 do 1º andar.
• Datas das entrevistas: os días 11 e 17 de xullo de 2024, e a hora de inicio de cada unha das xornadas será ás 9.00 horas.
• Deberán presentarse provistos de DNI ou documento fidedigno acreditativo da súa identidade.