Convocatoria exames OPE na categoría de celador/a pola quenda de discapacidade intelectual

Venres 7 de xuño de 2019.

Publicouse no DOG a RESOLUCIÓN do 31 de maio de 2019, da Dirección Xeral de Recursos Humanos, pola que se fan públicas as puntuacións definitivas do primeiro exercicio e o lugar e a data de realización do segundo e terceiro exercicios da fase de oposición do proceso selectivo para o ingreso na categoría de celador/a, quenda de discapacidade intelectual, convocado por Resolución do 1 de marzo de 2018.

Publícase na páxina web do SERGAS o modelo definitivo de respostas e ás puntuacións provisionais obtidas polos/as aspirantes no primeiro exercicio do proceso selectivo para o ingreso na categoría de celador/a, quenda de discapacidade intelectual.

Ábrese un prazo de reclamación a estas puntuacións provisionais de cinco días hábiles (do 10 ao 15 de xuño de 2019).

Convócase as persoas aspirantes que superaron o primeiro exercicio deste proceso para a realización do segundo e terceiro exercicio que integran a fase de oposición:

• Data: 22 de xuño de 2019.
• Hora: 16.30 horas.
• Lugar: aula 1 da Facultade de Dereito da Universidade de Santiago de Compostela, avenida Dr. Ángel Echeverri, s/n, Campus Sur, Santiago de Compostela.

Deberán ir provistas do DNI ou documento fidedigno acreditativo da súa identidade, e de bolígrafo azul ou negro, de tinta indeleble.

• Listado de chamamentos para os exercicios.