Faltan mans
Concentración raios urxencias
A Comisión de centro do CHUAC convoca nova concentración o día 2 de decembro de 2022 ás 8:15 horas diante da porta de raios do HUAC.
Tras varias xornadas de mobilizacións a Xerencia presenta un plan completamente insuficiente, onde o único incremento de persoal é unha/un celadora/or na quenda de noite. Na categoría de técnico/a suprime unha presenza de mañá e tarde para o nomeamento de coordinadores; é dicir en lugar de aumentar persoal, diminúen.
Logo de someter a debate nunha asemblea de traballadoras/es do servizo, decídese continuar co calendario de mobilizacións programado xa que o avance nas negociacións é practicamente nulo.
A Xerencia é consciente de que o plan presentado está moi lonxe das peticións do servizo e ademais sabe que con este os problemas de colapso continuo perpetúanse.
Por todo isto a Comisión denuncia que ate a Xerencia presente un plan real de incremento de persoal adaptado as necesidades do servizo e que se remate dunha vez por todas cos colapso na sala de espera deste servizo continuaran as mobilizacións. Os/as pacientes non poden estar horas esperando a realizar e volver ao servizo de urxencias para a realización dunha proba diagnóstica.
É necesario mais persoal!! É imprescindible dar unha atención pública e de calidade!!
