Folga do 24/04/2018
- Monforte
Queremos darvos as grazas a todos os que onte participastes na folga ou que decidistes reivindicar os nosos puntos da folga, puntos reivindicativos por todos os traballadores do Hospital.
A Administración minimizou o índice de participación dos traballadores pero os datos cantan por si mesmos. Por moito que o SERGAS fixese uns mínimos abusivos os traballadores participaron masivamente na protesta.
CCOO, UGT, SAGAP e CIG seguimos a folga e seguimos demandando os 12 puntos da folga. Os motivos nos que se fundamenta son:
- Aprobación no Parlamento da nova lei de saúde.
- Supresión dunha praza de telefonista neste hospital.
- A petición de cese da Subdirectora de Enfermería pola nula negociación desta dirección ante calquera tipo de problema xurdido neste hospital.
- A non ampliación da plantilla de persoal neste hospital xa que leva mais de dez anos sendo deficitaria.
- Polo peche de plantas que se produce no verán.
- Polas probas e tratamentos derivados á privada.
- Polas longas listas de espera.
- Pola modificación das carteleiras levadas a cabo por esta dirección sen contar co persoal.
- Polos movementos de persoal a outros servizos debido a non cobertura con persoal das listas de contratación.
- Pola falta de cobertura de persoal no centro.
- Pola presión asistencial que está a sufrir o persoal sanitario.
- Polos problemas provocados pola dirección do centro a hora de conceder permisos.
