Información da comisión técnica de OPE do 20 de xullo

Convocatoria de concurso-oposición da categoría de enxeñeiro/a técnico/a.

Queda aprobada a convocatoria para a súa publicación en próximas datas no DOG, co voto en contra de CIG-Saúde.

Oferta de emprego público de postos de difícil cobertura para a categoría de médico/a de urxencias hospitalarias do CHUO.

Queda aprobada a oferta de emprego de 25 prazas de persoal médico de urxencias hospitalarias no CHUO, para a súa publicación en próximas datas no DOG.

Remitirán proximamente o borrador de convocatoria de concurso de méritos de difícil cobertura para estas prazas. O SERGAS indica que teñen intención de publicala a primeiros de agosto.

Acto de elección e toma de posesión das categorías pendentes.

O SERGAS informa de que as categorías que ían elixir destino neste mes de xullo esperan poder convocar o acto de elección a partir da semana que vén.

Isto implica que as tomas de posesión destas categorías se retrasarían ata o 7 de setembro, excepto Técnico/a superior en laboratorio para o diagnóstico clínico que será en outubro.

Segue retrasada sen data a convocatoria do acto de elección da categoría de Grupo auxiliar da función administrativa da quenda de discapacidade intelectual.

Outras previsións:

Neste ano 2026 informan de que os exames de oposición serán na segunda quincena de outubro e dous fins de semana de novembro, excepto a última semana dese mes.

Confirman que terán exame nesas datas as seguintes categorías:

• TCAE
• TCAE QDI
• TEF
• TEF QDI
• TSID
• Celador/a
• Celador/a QDI
• Grupo auxiliar da función administrativa (non QDI)
• Técnico/a especialista de sistemas e tecnoloxías da información
• Técnico/a de xestión de sistemas e tecnoloxías da información
• Técnico/a superior de sistemas e tecnoloxías da información
• Fisioterapeuta
• Traballador/a social

Informan tamén de que poderían incluírse nesas datas outras categorías que teñen publicado o tribunal:

• Calefactor/a
• Condutor/a
• Dietista-nutricionista
• Electricista
• Farmacéutico/a de atención primaria
• Fontaneiro/a
• Logopeda
• Mecánico/a
• Médico/a asistencial do 061
• Médico/a de admisión e documentación clínica
• Médico/a xeral de ADOS
• Terapeuta ocupacional
• Odontólogo/a de atención primaria

O SERGAS informa que os tribunais das categorías que teñen pendente a publicación da plantilla definitiva do exame de oposición, non se reunirán ata despois do verán.

O SERGAS informa de que a finais de xullo-primeiros de agosto publicarán a Resolución definitiva do concurso específico de médico/a de HADO.

O SERGAS recoñece o retraso na publicación das listas de contratacións, e esperan publicar as listas que estaban previstas para este mes de xullo, a partir da semana que vén.