Mesa sectorial de sanidade do 11 de xuño

NOVAS CONVOCATORIAS DE OPE

Na Mesa Sectorial pecháronse as bases das convocatorias de OPE das categorías de:

• Condutor/a
• Traballador/a social
• Costureiro/a, lavandeiro/a e pasador/a de ferro
• Técnico/a especialista, técnico/a de xestión e técnico/a superior de sistemas e tecnoloxías da información.
• Diversas especialidades da categoría de facultativo/a especialista de área:
  • cirurxía oral e maxilofacial
  • cirurxía pediátrica
  • cirurxía plástica, estética e reparadora
  • inmunoloxía
  • oncoloxía radioterápica
• Calefactor/a, electricista, fontaneiro/a e mecánico/a

CIG-Saúde non está de acordo con estas convocatorias de OPE. Non recolleron ningunha das nosas alegacións:

• Negáronse á retirada da puntuación adicional polos servizos prestados durante a crise sanitaria da COVID-19
• Solicitamos que a puntuación adicional por prestación de servizos en centros illados se ampliase a todos os hospitais comarcais, e que se aplicara só nas categorías con indispoñibilidade de profesionais. A Administración négase a modificar este apartado indicando que é unha decisión estratéxica da Consellería.

No referente ás categorías de oficios nas que o requisito de acceso é “Graduado/a en educación secundaria obrigatoria, técnico/a (formación profesional de grao medio) ou equivalente”, é importante aclarar que o título de Graduado/a escolar considérase equivalente ao de Graduado/a en ESO aos efectos de cumprimento do requisito de acceso.

Estas convocatorias de OPE previsiblemente publicaranse no DOG no mes de xullo e a Administración comprometeuse a abrir un prazo amplo de presentación de solicitudes, tendo en conta o período estival.

RESOLUCIÓN DO CONCURSO ESPECÍFICO E OPE DE ESPECIALISTAS EN ENFERMARÍA PEDIÁTRICA

O luns 21 de xuño publicarase no DOG a resolución dos dous procesos (concurso específico e OPE) da categoría de enfermeiro/a especialista en enfermaría pediátrica.

DATAS EXAMES OPE 2021