Mesa sectorial do 28 de setembro de 2022

Criterios de cesamento ante as próximas incorporacións

Acórdase manter transitoriamente os criterios de ceses e incorporacións actuais, que se basean na orde de prelación nas listas de selección temporal.

Unha vez convocados os procesos selectivos da lei de estabilidade (lei 20/2021) negociaranse uns criterios de ceses e incorporacións de conformidade á modificación do Estatuto marco.

Acordo PDF

OPE e Concurso de traslados

Informan de que os contratos de garantías de FEAs finalizarán coas incorporacións de OPE. Posteriormente farase unha oferta de vacantes de FEAS de forma centralizada dende o SERGAS.

Informan de que elaboraron unha folla informativa para as tomas de posesión e a permanencia no servizo activo dos/as facultativos/as especialistas en atención primaria cunhas consideracións específicas. Insisten en que van esixir a incorporación efectiva ao posto, e que non van a conceder ningunha excedencia. Documento PDF

Previsión de incorporación da OPE e traslados.

• Publicarase no DOG o 4 de outubro a Resolución da OPE e Concurso de traslados de FEA Medicina interna e Traumatoloxía, iniciando ao día seguinte o prazo para as tomas de posesión.
• Antes de decembro de 2022 queren ter resolta a OPE das categorías que remataron a fase de concurso e o concurso de traslados do 2022 conxuntamente.
• As categorías que teñen o exame de oposición feito pero que teñen sen resolver a fase de concurso, a súa toma de posesión quedaría para o 2023.