Negociación do convenio sanidade privada A Coruña

O luns 13 de maio, tivo lugar a 2ª das reunións da mediación no seo do CGRL, na cal a patronal presentou a súa proposta.

CIG-Saúde considera inaceptable o recollido na proposta da patronal: insiste en manter os recortes, propón unhas táboas salariais insuficientes, reduce a xornada de xeito insuficiente e segue sen recoñecer o cobro nos domingos.

A patronal propón chegar a 1760 horas no 2026, subidas salariais dun 3% no 2024 ou un 3,5% no 2026, deixa fóra do calculo do SMI o cobro dos festivos pero non a antigüidade….son só algúns dos puntos que nos deixan moi lonxe do acordo.

CIG-Saúde comprometeuse a remitir unha nova proposta, co fin de achegar posturas ao máximo, sen renunciar ao xa conquistado, e facer todo o posible para a sinatura dun bo convenio.

Nesta proposta recolleremos:

• acordo de xornada, cun máximo anual e semanal
• recoñecemento do cobro dos domingos
• plus de toxicidade nas clínicas dentais e demais centros
• deixar fóra do calculo do SMI o complemento de antigüidade, toxicidade e domingo (sumado ao de nocturnidade e festivos xa proposto pola patronal)
• proposta de táboas salariais
• mellora da redacción nas licenzas, vacacións,...

Faremos todo o que estea nas nosas mans para chegar a un bo acordo. De non ser posible, volveremos a esixilo en cada centro de traballo.