Nomeamentos e toma de posesión de persoal estatutario fixo no SERGAS

• RESOLUCIÓN do 26 de agosto de 2026, da Dirección Xeral de Recursos Humanos, pola que se nomean persoal estatutario fixo as persoas aspirantes seleccionadas no concurso-oposición para o ingreso en diversas categorías de persoal sanitario de formación profesional, convocado pola Resolución do 19 de abril de 2024, e pola que se lles adxudica destino definitivo a estas persoas.

RESOLVE:

Primeiro. Nomear persoal estatutario fixo do Servizo Galego de Saúde, nas categorías de técnico/a superior nas especialidades de:

- anatomía patolóxica e citoloxía,

- dietética e

- documentación sanitaria,

as persoas aspirantes seleccionadas que se inclúen no anexo I desta resolución.

Así mesmo, adxudicarlles ás devanditas persoas aspirantes, con carácter de destino definitivo, a praza que se especifica no indicado anexo.

Segundo. Declarar finalizado o concurso-oposición para o ingreso nas categorías de técnico/a superior nas especialidades de anatomía patolóxica e citoloxía, dietética e documentación sanitaria, sen prexuízo do previsto na base 10.3 da convocatoria do proceso selectivo.

Terceiro. As persoas aspirantes nomeadas disporán do prazo dun mes, que se contará desde o día seguinte ao da publicación desta resolución no Diario Oficial de Galicia, para incorporarse á praza adxudicada. Para estes efectos, a toma de posesión da praza efectuarase no centro de xestión ao cal pertenza esta.