Previsións OPE, Concurso de traslados e listas de contratacións

Concurso de traslados aberto e permanente:

Informan de que teñen previsto publicar as adxudicacións definitivas antes de que remate o ano, a ser posible antes da segunda quincena de decembro.

Listas de selección temporal:

• Publicación en DOG o 23 de outubro das listas definitivas das categorías de Bibliotecario/a e Grao medio
  de biblioteconomía.
• Publicación en DOG o 30 de outubro das listas definitivas das categorías que faltaban.

Concurso de méritos de difícil cobertura:

• No mes de outubro teñen previsto publicar a baremación provisional de todas as categorías excepto especialistas en enfermaría de saúde mental.
• A intención é que nesas categorías a Resolución final sexa antes de que acabe o ano 2023.
• Non deron previsións para a categoría de especialista en enfermaría de saúde mental.

Concurso de méritos de estabilización:

• Enfermeiro/a: está pendente a toma de posesión que pretenden facela o antes posible, pero non
  especifican data.
• PSX e TCAE: indican que se reuniron os tribunais e que están xerando os listados, polo que nos próximos
  días publicarán do DOG a baremación provisional.
• Resto de categorías: indican que irán resolvendo a medida que se produzan os exames de oposición.

Concurso-oposición:

• Enfermeiro/a: publicación en outubro da plantilla definitiva de respostas e as notas provisionais.
• Publicación no DOG o 25 de outubro do lugar, hora e data de celebración dos exames de TCAE e PSX.

CIG-Saúde preguntamos pola convocatoria das prazas incluídas na Oferta de emprego público do ano 2020 das categorías de Grupo técnico e Grupo xestión da función administrativa, posto que caducan a 21 de decembro de 2023.

A Directora de RRHH informa de que traerá á mesa sectorial a Oferta de emprego público do ano 2023, e que teñen previsto negociar dita convocatoria antes de que caduque.