Publicación da convocatoria de OPE de diversas categorías

Publícase no DOG a RESOLUCIÓN do 18 de xuño de 2021, da Dirección Xeral de Recursos Humanos, pola que se convoca concurso-oposición para o ingreso en diversas especialidades da categoría de facultativo/a especialista de área.

A quen se dirixen as solicitudes de participación na OPE?

Dirixiranse a unha unidade de validación das relacionadas no propio formulario electrónico de inscrición.

Como se poden presentar as solicitudes?

Por rexistro electrónico, de forma presencial no rexistro xeral dos servizos centrais e periféricos da Consellería de Sanidade e do Servizo Galego de Saúde, ou a través de calquera dos procedementos do artigo 16.4 da Lei 39/2015, do 1 de outubro, do procedemento administrativo común das administracións públicas.

Que prazo hai para inscribirse?

Do 1 de xullo ata o 31 de agosto de 2021.

Que documentación teño que presentar?

• NIF, xustificante do pago de taxas e copia compulsada do título.
• Actualización de todos os méritos.
• Acreditación da lingua galega.