Publicación das listas definitivas de admitidos/as e excluídos do concurso oposición de diversas categorías

Publícanse no DOG as listas definitivas das aspirantes admitidas e excluídas, así como as exentas e non exentas do exercicio de lingua galega das seguintes categorías:

• RESOLUCIÓN do 21 de febreiro de 2025, da Dirección Xeral de Recursos Humanos, pola que se declaran, con carácter definitivo, as persoas aspirantes admitidas e excluídas, así como as exentas e non exentas do exercicio de lingua galega, e se nomean os tribunais cualificadores nos procesos selectivos para o ingreso nas categorías de grupo técnico da función administrativa, grupo de xestión da función administrativa e na categoría de grupo auxiliar da función administrativa, en prazas reservadas para seren cubertas por persoas que acrediten discapacidade intelectual, convocados mediante as resolucións do 19 de decembro de 2023.

Grupo técnico da función administrativa,

Grupo de xestión da función administrativa

Grupo auxiliar da función administrativa (quenda discapacidade intelectual)

• RESOLUCIÓN do 21 de febreiro de 2025, da Dirección Xeral de Recursos Humanos, pola que se declaran, con carácter definitivo, as persoas aspirantes admitidas e excluídas, así como as exentas e non exentas do exercicio de lingua galega, e se nomean os tribunais cualificadores no concurso-oposición para o ingreso en diversas categorías de persoal sanitario de formación profesional, convocado mediante a Resolución do 19 de abril de 2024

Técnico/a superior de anatomía patolóxica e citoloxía,

Técnico/a superior en dietética,

Técnico/a superior en documentación sanitaria

Técnico/a superior de laboratorio de diagnóstico clínico

Contra estas resolucións as persoas interesadas poderán interpoñer directa mente recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ao da súa publicación no Diario Oficial de Galicia, de conformidade co disposto nos artigos 8.2 e 10.1 da Lei 29/1998, do 13 de xullo, reguladora da xurisdición contencioso-administrativa.

Potestativamente, e con carácter previo, poderán interpoñer recurso de reposición, ante a Dirección Xeral de Recursos Humanos do Servizo Galego de Saúde, no prazo dun mes contado desde a mesma data.