Puntuacións de definitivas da fase de concurso da OPE de diversas categorías

Hoxe publicouse en DOG resolucións da Dirección Xeral de Recursos Humanos polas que se fan públicas as puntuacións definitivas da fase de concurso e os/as aspirantes seleccionados/as dos procesos selectivos para o ingreso nas seguintes categorías:

• traballador/a social,
• calefactor/a,
• electricista,
• fontaneiro/a,
• mecánico/a,
• técnico/a especialista de sistemas e tecnoloxías da información,
• técnico/a de xestión de sistemas e tecnoloxías da información,
• técnico/a superior de sistemas e tecnoloxías da información,
• costureiro/a,
• lavandeiro/a,
• pasador/a de ferro,
• condutor/a,
• pinche,
• logopeda,
• terapeuta ocupacional,
• diversas especialidades da categoría de facultativo/a especialista de área (Facultativo/a especialista da Área de Cirurxía Oral e Maxilofacial, Facultativo/a especialista da Área de Cirurxía Pediátrica, Facultativo/a especialista da Área de Cirurxía Plástica, Estética e Reparadora, Facultativo/a especialista da Área de Inmunoloxía, Facultativo/a especialista da Área de Oncoloxía Radioterápica),
• telefonista,
• cociñeiro/a,
• técnico/a en farmacia quenda de discapacidade intelectual,
• pinche quenda de discapacidade intelectual.

Os/as aspirantes seleccionados/as que se relacionan no anexo desta resolución disporán do prazo dun MES, contado desde o día seguinte ao da súa publicación, para a presentación da seguinte documentación:

a) Declaración, baixo a súa responsabilidade, de non ter sido separado/a do servizo, mediante expediente disciplinario, de calquera servizo de saúde ou Administración pública nos seis anos anteriores á convocatoria, nin estar inhabilitado/a con carácter firme para o exercicio de funcións públicas nin, de ser o caso, para a correspondente profesión.

b) Certificado médico acreditativo de non padecer enfermidade nin defecto físico que o/a imposibiliten para o exercicio das funcións propias da categoría.

c) Por exixencia do artigo 57 da Lei orgánica 8/2021, do 4 de xuño, de protección integral á infancia e á adolescencia fronte á violencia, certificación do Rexistro Central de Delincuentes Sexuais e de Trata de Seres Humanos de non ter sido condenado/a por sentenza firme por algún delito contra a liberdade e indemnidade sexual ou, na súa falta, autorización escrita ao Servizo Galego de Saúde para consultar os datos contidos no citado rexistro e solicitar no seu nome a oportuna certificación.

d) Declaración, baixo a súa responsabilidade, de non ter a condición de persoal estatutario fixo da mesma categoría a que opta.

e) Os/as aspirantes seleccionados/as que accederon pola quenda de persoas con discapacidade deberán achegar neste prazo, ademais da documentación anterior, orixinal ou certificación compulsada acreditativa do mantemento dos requisitos para acceder pola correspondente quenda, de non ter carácter definitivo a resolución pola que se lle recoñeceu a discapacidade, e que foi achegada dentro do prazo de presentación de solicitudes.