Retribución das quendas coincidentes coa OPE de enfermeiras/os

O SERGAS modifica o criterio e a retribución especial do 25 de xuño tamén incluirá ao persoal que teña quenda asinada ese día.

Retribución do 25 de xuño de 2023 (quendas de noite do día 24 e de mañá e tarde do 25 de xuño), pola coincidencia co exame da OPE de enfermeira/o:

• Persoal que teña algunha quenda asignada na carteleira e o persoal que cambie de quenda e traballe o día 25 de xuño: cobrará como un día de especial significación (é dicir, quendas de mañá ou tarde dous módulos de festivo, e quenda de noite dous módulos de noite prefestiva).

• Persoal que faga a quenda a maiores da súa xornada: cobrará a xornada complementaria actual máis un módulo adicional de festivo ou noite prefestiva segundo corresponda.