RESOLUCIÓN do 1 de abril de 2026, da Dirección Xeral de Recursos Humanos, pola que se fan públicos o lugar, a data e a hora de realización dos exercicios da fase de oposición dos procesos selectivos para o ingreso en diversas categorías de persoal estatutario do Sistema sanitario público de Galicia, convocados polas resolucións do 2 de xullo e do 21 de agosto de 2025.

Os exames realizaranse no Recinto da Feira Internacional de Galicia Abanca, avenida Recinto Feiral, s/n, Silleda (Pontevedra).

As persoas aspirantes deberán acudir provistas do documento nacional de identidade ou documento fidedigno acreditativo da súa identidade, e de bolígrafo azul ou negro, de tinta indeleble.

A acreditación para o acceso ao lugar de realización das probas realizarase a través de código QR. Cada aspirante terá á súa disposición no FIDES a acreditación persoal con código QR, que deberá imprimir e presentar o día do exame ao persoal colaborador da porta que lle foi asignada, e que lle permitirá o acceso ao interior do lugar de realización das probas.

Deberá comunicarse cunha antelación mínima de 72 horas á data de realización do exame, a situación de embarazo ou posible parto e a súa vontade de realizar a proba no centro sanitario, no correo oposicions@sergas.es

- As mulleres embarazadas ou que desen a luz ese día ou días antes, e que estean ingresadas nun centro hospitalario poderán realizar o exame ese mesmo día no hospital.

- As embarazadas en situación de incapacidade temporal ou parto recente (unha semana) que por razón desas situacións non se poidan desprazar ao lugar de realización das probas, tamén poderán realizar o exame ese mesmo día no hospital.

- A muller que estea de parto o día en que teñan lugar os exercicios da oposición, e á cal non sexa posible realizarlle a proba no hospital, poderá efectuala dentro dos quince (15) días seguintes ao da realización das probas.

As aspirantes que precisen realizar a lactación materna durante os tempos dos exames deberán solicitar a súa realización:

- Prazo de cinco (5) días hábiles seguintes ao da publicación desta resolución.

- No correo oposicions@sergas.es

As aspirantes que desexen realizar a lactación materna antes do inicio dos exames disporán dunha sala habilitada para tal fin no exterior do recinto, sen necesidade de realizar solicitude para o seu uso.

Co gallo do Día internacional da Atención Primaria, SOS Sanidade Pública desenvolveu concentracións este luns en numerosas localidades galegas para denunciar os graves problemas de accesibilidade, a falta de recursos orzamentarios, a escaseza de profesionais e o abandono que sofre este nivel asistencial como parte do proceso de desmantelamento e privatización da sanidade pública do Goberno do PP na Xunta de Galiza.

No decurso das protestas destacouse que os sistemas cunha Atención Primaria potente, conseguen aumentar a esperanza de vida, teñen menores taxas de mortalidade, un mellor control das doenzas crónicas e melloran o funcionamento global do resto da rede. Porén en Galiza, a realidade é outra ben distinta: centros de saúde saturados, sen persoal, pechados no medio rural ou que funcionan “a medio gas”.

SOS Sanidade puxo a atención na espera media de consulta, que xa supera os 10 días, ou na existencia de 11.000 crianzas que carecen de pediatra de referencia; mentres o persoal abandona a Atención Primaria a causa da precariedade laboral. O deterioro deste nivel asistencial provoca que se colapsen as urxencias hospitalarias, que se disparen os casos graves, se empeoren os prognósticos de doenzas “e que se multiplique o sufrimento das persoas enfermas”.

Fronte a isto, a plataforma (da que a CIG fai parte activa) exixiu:

1.-Incrementar os recursos da Atención Primaria até o 25% do orzamento sanitario (na actualidade está no 14%), tal e como recomenda a OMS.

2.- Garantir a accesibilidade e a continuidade asistencial con maiores recursos: medicina de familia, pediatría, enfermaría, saúde mental, fisioterapia, traballo social, saúde bucodental, logopedia, máis persoal administrativo, matronas, etc. para dar unha atención integral nos centros de saúde.

3.-Unha política de persoal xusta e incentivadora, con oposicións anuais até completar as prazas vacantes na actualidade.

4.- Combater o abuso da medicalización e a burocracia absurda.

5.- Reorientar a Atención Primaria cara á saúde en lugar de a enfermidade, desenvolvendo estratexias de saúde comunitaria.

6.- Que a atención que se presta dende a Hospitalización a Domicilio (HADO) se faga por criterios sanitarios e non por distancia ao hospital de referencia.

7.-Asegurar a formación e a investigación de calidade en todas as categorías de persoal, dende a Administración.

8.- Incentivar a participación cidadá, coa posta en marcha do Consello de Saúde de Galiza e os Consellos de Saúde de Área Sanitaria.

9.- Negociar na Mesa Sectorial de Sanidade os problemas laborais; limitando a 30 pacientes por día de consulta, 1.200 tarxetas sanitarias por cupo; melloras retributivas para rematar coa precariedade e a inestabilidade laboral; a incorporación das categorías profesionais que faltan nos centros de saúde; elaborar un Plan de Saúde Mental, consensuado cos e coas profesionais que se dedican a este campo; sacar oposicións anuais para resolver o problema das prazas vacantes, etc. E xunto a isto, poñer en marcha xa as conclusións do documento elaborado polo Consello Técnico de Atención Primaria, do novo modelo para este nivel.

A Inspección de Traballo (ITSS) vén de requirirlle a unha clínica dental da provincia da Coruña que de inmediato proceda a abonar o complemento de toxicidade ao persoal que está exposto á radiación ionizante, recoñecéndolle este dereito recollido no convenio colectivo da sanidade privada e impóndolle unha sanción grave ao estabelecemento por incumprimentos laborais.

A CIG-Saúde denuncia que as clínicas dentais non lle están a aboar o plus de toxicidade ao persoal, a pesar de que as traballadoras e traballadores están expostos ás condicións que dan dereito a percibir este plus, pois son estabelecementos nos que se traballa con radiacións ionizantes. En moitos ocasións, estas clínicas incluso lle exixen ao persoal a licencia de operador/a correspondente.

O propio artigo 21 do convenio colectivo de sanidade privada da Coruña recolle este complemento retributivo por mor da maior toxicidade, perigo e penosidade que revisten as actividades realizadas en seccións e departamentos como quirófanos, radioelectroloxía, radioterapia ou medicina nuclear. Non obstante, a CIG-Saúde detectou que varias empresas non estaban a pagar este plus e a pesar de reclamalo, as compañías denegaron o seu abono.

Agora a Inspección de Traballo dálle á razón a CIG ao recoñecer o dereito do persoal (en postos como hixienista dental ou auxiliar de gabinete) a recibir o plus de toxicidade. Por iso, a central anima as traballadoras e traballadores que estean nos supostos que contempla o convenio colectivo e que aínda non estean cobrando a que reclamen o seu dereito.

A CIG-Saúde quere manifestar o seu máis firme rexeitamento ao plan anunciado polo presidente da Xunta, Alfonso Rueda, para intensificar o control das baixas laborais a través do reforzo do papel das mutuas.

As baixas laborais son prescricións médicas baseadas en criterios clínicos e profesionais. Non son unha decisión arbitraria nin poden ser tratadas como un posible fraude por defecto. Poñer en cuestión estas baixas supón cuestionar directamente o criterio do persoal médico e, ao mesmo tempo, estigmatizar ás persoas doentes, tratándoas como sospeitosas ou mesmo como delincuentes. Esta mensaxe é intolerable.

Cómpre ademais desmontar o discurso interesado do Goberno galego. Galicia é a segunda comunidade autónoma con menos baixas médicas do Estado.

Segundo datos da Seguridade Social, a incidencia media mensual de baixas laborais por enfermidade común, por cada mil traballadores protexidos, en Galicia é de 23,52, a segunda máis baixa do estado, sendo a media do estado de 33,84.

A maior duración das baixas laborais responde á realidade dun sistema sanitario con importantes listas de espera para probas diagnósticas, consultas especializadas e intervencións cirúrxicas. As persoas non permanecen de baixa por vontade propia, senón porque non teñen acceso á atención sanitaria en tempos razoables.

Desde a CIG-Saúde denunciamos que, mentres se promove unha política de control e sospeita, non se actúa sobre as causas reais que están detrás das baixas laborais. Moitas delas teñen a súa orixe en patoloxías musculoesqueléticas e problemas de saúde mental, directamente relacionados coas condicións laborais, a precariedade e a falta de medidas de prevención. Tamén coa dificultade de acceso á sanidade pública. Sobre estes factores estruturais, a Xunta non está a adoptar ningunha medida efectiva.

Así mesmo, este plan supón un novo paso no desvío de recursos públicos cara ao sector privado. Refórzase o papel das mutuas, ás que se lles asignan máis funcións e financiamento público, mentres se ignora e se está a desmantelar a inspección médica da propia Consellería de Sanidade. Trátase dunha decisión política que debilita o sistema público e favorece intereses privados, xa que as mutuas derivan a asistencia cara a centros sanitarios privados.

A CIG-Saúde considera que esta estratexia responde a unha folla de ruta clara: cuestionar dereitos, estigmatizar ás persoas traballadoras e avanzar na privatización da sanidade. Fronte a isto, reclamamos políticas que reforcen o sistema público, que garantan unha atención sanitaria áxil e de calidade, e que actúen sobre as condicións laborais que están na orixe de moitas baixas.

As persoas traballadoras non son delincuentes. Son suxeitos de dereitos que deben ser respectados.

Modificación do Decreto 172/1995, dos PAC.

CIG-Saúde solicitou a retirada do Decreto que modifica o Decreto 172/1995, para incluír as mañás dos sábados como horario de prestacións nos PACs.

A mobilización das traballadoras e traballadores conseguiu frear temporalmente o decretazo dos PACs, obrigando á Consellería a aprazar a súa aplicación.

Pero atención: non é unha retirada, só un adiamento. A intención de impoñelo sen acordo segue vixente.

PUNTO CLAVE: SÁBADOS POLA MAÑÁ (IMPORTANTE)

• Durante abril e maio prorrógase o programa especial dos sábados.
• A partir de aí, pasará a formar parte das carteleiras ordinarias dos PACs.
• Isto significa que deixará de ser algo puntual e pasará a ser estrutural.

CONDICIÓNS LABORAIS

• Recoñécese a quenda rotatoria complexa do ACS para PSX (xornada e retribución) un dos puntos da convocatoria de folga de CIG-Saúde.
• En medicina e enfermaría: aumento do valor da xornada complementaria, baixada do tramo para cobrar e mellora do cómputo.
• Incremento de prazas estruturais de todas as categorías.
  • Pero non se compensa con nada: os sábados supoñen perda retributiva.
  • Se non se fan máis horas, non se recupera o salario perdido.

A desconvocatoria da folga por parte de SIMEGA (CESM) en novembro de 2025 trae consecuencias moi graves para o persoal sanitario e, especialmente, para quen traballa nos Puntos de Atención Continuada (PACs).

QUE ESTÁ A PASAR?

A Consellería de Sanidade, aproveitando este acordo, avanza na súa folla de ruta:

• Impón que os sábados pasen a ser considerados atención continuada, integrándoos de facto no funcionamento ordinario dos PAC.
• Pretende modificar o Decreto 172/1995, incluíndo no horario dos PAC os sábados ata 24 horas, igual que en domingos e festivos.
• Este cambio será tratado na Mesa Sectorial deste venres 27 de marzo, coa intención de impoñer un cambio inmediato das carteleiras sen negociación real co persoal afectado.

COMO O QUEREN FACER?

• Publicación do Decreto: o 31 de marzo
• Entrada en vigor: o 1 de abril (Semana Santa)

QUE SUPÓN ISTO PARA O PERSOAL DOS PAC?

• Máis xornada en fin de semana.
• Máis carga de traballo.
• Sen ningunha compensación económica nin laboral.
• Empeoramento directo das condicións de traballo a custo cero.

DENUNCIAMOS:

• A imposición unilateral da Consellería de Sanidade.
• A falta de negociación previa, obrigatoria en calquera modificación das condicións laborais.
• O uso de datas estratéxicas para evitar a resposta do persoal.

ESIXIMOS:

• A retirada inmediata do Decreto mentres non se produza un proceso real de negociación.
• O respecto ás condicións laborais do persoal dos PAC.
• Compensacións xustas ante calquera cambio de xornada.

NON IMOS PERMITIR MÁIS RECORTES ENCUBERTOS!

NON Á IMPOSICIÓN! SI Á NEGOCIACIÓN!

O Conselleiro de Sanidade volve demostrar, unha vez máis, o seu absoluto desinterese polas condicións laborais e polos dereitos das traballadoras.

Están informando as traballadoras que, a partir do 1 de abril, a actividade dos sábados en atención primaria pasará ao persoal do PAC…

Pero como pretenden facelo sen ter nin sequera modificada a normativa vixente?

• O decreto de atención primaria segue sen cambiarse.
• Non hai data clara: falan da última semana de marzo.
• E mentres tanto… que pasa co 1 de abril.

QUEREN CAMBIAR AS CONDICIÓNS DE TRABALLO DUN DÍA PARA OUTRO? Para CIG-Saúde este cambio supón un EMPEORAMENTO CLARO DAS CONDICIÓNS LABORAIS:

• Máis fins de semana de traballo.
• Máis carga horaria nas carteleiras.
• Máis xornadas de 24 horas.

PRETENDEN MODIFICAR AS CARTELEIRAS POR DECRETO SEN NEGOCIACIÓN E SEN QUE SE COÑEZA O SEU CONTIDO PREVIAMENTE?

Todo son dúbidas, todo é opacidade, todo é improvisación.

É absolutamente INDECENTE que a día de hoxe as traballadoras non saiban:

• Quen vai prestar asistencia os sábados.
• En que condicións.
• Con que organización.

E todo isto… SEN NINGUNHA CONTRAPRESTACIÓN ECONÓMICA. Pretenden que as traballadoras asuman máis carga, máis desgaste e peores condicións a custe cero.

• SEN NEGOCIACIÓN.
• SEN INFORMACIÓN.
• SEN NINGUNHA COMPENSACIÓN.

Isto é un ATAQUE DIRECTO aos dereitos laborais. Desde CIG-Saúde denunciamos:

• A falta total de diálogo.
• A imposición constante do Conselleiro de Sanidade.
• O desprezo ás traballadoras e á súa representación legal.

O CONSELLEIRO DE SANIDADE PODE PUBLICAR OS DECRETOS QUE QUEIRA, PERO SE NON RESPECTA OS DEREITOS DAS TRABALLADORAS, CIG-SAÚDE XA AVISA QUE HABERÁ MÁIS MOBILIZACIÓNS.

NON SOMOS PEZAS DUN TABOLEIRO!

NON IMOS ACEPTAR MÁIS ABUSOS!

AS TRABALLADORAS NON IMOS CALAR!