O SERGAS informa que hoxe publícase na páxina web do Servizo Galego de Saúde a listaxe informativa da adxudicación de destinos no concurso-oposición, para o ingreso nas categorías de grupo de xestión da función administrativa, grupo técnico da función administrativa, técnico/a superior en anatomía patolóxica e citoloxía, técnico/a superior en dietética e técnico/a superior en documentación sanitaria; procesos selectivos convocados polas Resolucións do 19 de decembro de 2023 e do 19 de abril de 2024.

Consulta aquí:

• grupo de xestión da función administrativa,
• grupo técnico da función administrativa,
• técnico/a superior en anatomía patolóxica e citoloxía,
• técnico/a superior en dietética e
• técnico/a superior en documentación sanitaria.

Servizo Galego de Saúde

• RESOLUCIÓN do 10 de agosto de 2026, da Dirección Xeral de Recursos Humanos, pola que se aproba e publica a oferta de destinos do concurso de traslados aberto e permanente para a provisión de prazas básicas para as categorías de persoal sanitario e de xestión e servizos no ciclo de adxudicación correspondente ao ano 2026.

Os/as profesionais que consten na relación de participantes deste ciclo disporán dun prazo de quince (15) días naturais, ( do 25 de agosto ó 8 de setembro) contados desde o día seguinte ao da publicación desta resolución no Diario Oficial de Galicia, para poderen modificar, a través de Fides/Expedient-e, no seu formulario de participación, a selección de destinos efectuada, se así o desexan.

As modificacións que se realicen na selección de destinos deberanse presentar por rexistro electrónico e non requirirán a entrega de ningunha documentación. Terase en conta a última modificación presentada por rexistro electrónico dentro do prazo indicado.

De igual forma, as persoas aspirantes que, resultando admitidas con carácter provisional neste proceso, non seleccionaran na instancia de participación ningún destino disporán do prazo de quince (15) días naturais, contados desde o seguinte ao da publicación desta resolución, para efectuaren a través de Fides/Expedient-e, mediante o oportuno rexistro electrónico, a selección de destinos que consideren.

O vindeiro 24 de agosto está prevista a publicación da oferta de prazas do concurso de traslados. A partir dese momento ábrese un prazo de 15 días naturais para que todo o persoal interesado poida modificar o cambio de destino ou desmarcar todas as opcións e non participar neste concurso.

O persoal, que no concurso de traslados, opte a máis dunha categoría, debe ter en conta que na categoría que non tome posesión (é dicir, na que non se incorpore), pasará automáticamente a situación de excedencia voluntaria por interese particular.

É importante valorar esta consecuencia, xa que afecta directamente á vinculación coa categoría non escollida na que, ata o de agora, se quedaba en excedencia por prestación de servizos no sector público.

Podes corrixir esta situación durante o prazo de 15 días para modificar as solicitudes: desmarca todas as opcións dunha das categorías e deixarás de participar neste concurso por esa categoría.

RESOLUCIÓN do 23 de xullo de 2026, da Dirección Xeral de Recursos Humanos, pola que se convoca o procedemento ordinario de acceso aos graos I a IV da carreira profesional correspondente ao ano 2026.

Prazo para a presentación de solicitudes do 5 de agosto ao 30 de setembro de 2026.

Accederán a través de Fides ao expediente electrónico do/da profesional e a solicitude de validación dirixirase á unidade de validación e poderase presentar, ata o 30 de setembro de 2026.

O prazo para a entrega de méritos remata o 30 de setembro 2026.

RESOLUCIÓN do 15 de xuño de 2026, da Dirección Xeral de Recursos Humanos, pola que se publica a relación de persoas aspirantes definitivamente seleccionadas no concurso-oposición para o ingreso en diversas categorías de
persoal sanitario de formación profesional e se inicia o prazo para a elección de destino.

Categorías de: técnico/a superior en anatomía patolóxica e citoloxía, técnico/a superior en dietética, técnico/a superior en documentación sanitaria e de técnico/a superior en laboratorio de diagnóstico clínico.

RESOLUCIÓN do 15 de xuño de 2026, da Dirección Xeral de Recursos Humanos, pola que se publica a relación de persoas aspirantes definitivamente seleccionadas no concurso-oposición para o ingreso nas categorías de grupo
técnico da función administrativa e de grupo de xestión da función administrativa, convocado pola Resolución do 19 de decembro de 2023, e se inicia o prazo para a elección de destino.

Categorías do: grupo técnico da función administrativa e do grupo de xestión da función administrativa.

Prazo de elección de destino de dez (10) días hábiles (do 4 ao 17 de agosto de 2026), contados a partir do seguinte ao desta publicación, para que as persoas aspirantes que constan nestas resolucións seleccionen telematicamente, a través do sistema de información Fides/expedient-e, os destinos ofertados por orde de prelación.

Na reunión da Mesa Xeral de Empregados Públicos celebrada o 23 de xullo de 2026, a Administración presentou a Memoria funcional da proposta de creación do cadro de persoal investigador, coa relación dos postos que considera afectados polo Decreto 12/2024, publicado en xaneiro de 2024, polo que se regula a organización, promoción e carreira profesional do persoal investigador laboral da Xunta de Galicia. O decreto establece un marco común para o persoal investigador e técnico dos organismos públicos de investigación da Xunta.

Segundo a memoria, identifícanse 167 postos distribuídos nas categorías de:

• Investigador/a establecido/a (R3): 64 postos
• Investigador/a sénior (R4): 4 postos
• Técnico/a de investigación sénior: 32 postos
• Técnico/a superior de investigación: 67 postos

No ámbito da Sanidade a proposta apenas identifica 28 postos, repartidos entre:

• Fundación Instituto de Investigación Sanitaria de Santiago (IDIS): 15 postos
• Fundación Pública Galega de Medicina Xenómica: 6 postos
• Fundación Biomédica Galicia Sur: 5 postos
• Fundación Pública Galega de Investigación Biomédica (INIBIC): 2 postos

Para elaborar esta clasificación, a Administración afirma que tomou como criterio principal se o doutoramento era un mérito ou un requisito para acceder ao posto. Así, cando o doutoramento era un mérito clasificou os postos como Técnico/a Superior de Investigación, mentres que cando era un requisito os clasificou como Técnico/a de Investigación Sénior ou Investigador/a Establecido/a (R3) segundo as funcións indicadas polas entidades. Para identificar os postos R4, a propia memoria indica que se utilizaría como criterio que se tratase de postos de dirección de centros, organismos, unidades ou estruturas de investigación ocupados por persoal doutor.

Segundo explicou a Administración, tras a aprobación do decreto en xaneiro de 2024 constituíuse un grupo de traballo integrado por varias direccións xerais, entre elas Emprego Público e GAIN. En outubro de 2024 solicitouse ás entidades un primeiro listado dos postos afectados e durante 2025 remitiuse un novo requirimento para diferenciar entre postos R3 e Técnicos de Investigación Sénior. Con esa información elaborouse esta memoria, sen realizar ningunha avaliación individual dos currículos profesionais das persoas afectadas. Unha vez aprobada abrirase un proceso voluntario de adscrición para o persoal fixo, que implicará un cambio do vínculo xurídico e a creación dun novo instrumento de ordenación do persoal.

A CIG esixe máis prazo para presentar alegacións

A documentación foi remitida ás organizacións sindicais o venres 17 de xullo ás 14:00 horas, apenas uns días antes da Mesa.

CIG Saúde, xunto co resto das organizacións sindicais, solicitou ampliar o prazo para presentar alegacións, polo menos ata setembro, tendo en conta o gran número de organismos e entidades afectadas, a dificultade de contactar co persoal durante o período estival e o feito de que o listado presentado xa nace desfasado.

A Administración rexeitou a petición e mantivo o prazo para presentar alegacións ata o martes 28 de xullo.

Non se pode aprobar este listado sen a negociación previa cos Comités e persoas delegadas

O Decreto 12/2024 foi negociado no seu momento, sendo aprobado co apoio de CCOO, CSIF e UGT e co único voto en contra da CIG.

Porén, o que agora pretende aprobar a Xunta non é o decreto, senón a relación concreta dos postos afectados, e esta non foi negociada previamente cos Comités de Empresa nin coas persoas delegadas de cada centro de traballo.
CIG Saúde denunciou que impedir a participación da representación legal do persoal nun proceso que afecta directamente á organización do emprego e ás condicións laborais pode supoñer mesmo un incumprimento do dereito fundamental á representación sindical.

Por iso, esiximos que esta relación sexa previamente debatida e negociada en cada organismo antes de ser aprobada definitivamente.

Nas fundacións biomédicas continúa sen establecerse correctamente o persoal afectado

No caso das fundacións de investigación biomédica, CIG Saúde denunciou que continúa sen definirse correctamente quen é realmente o persoal afectado polo decreto.

Resulta especialmente grave que se pretenda aprobar agora unha clasificación definitiva cando nin sequera existe unha identificación correcta das persoas ás que debería aplicarse, nin se aclarou definitivamente o vínculo xurídico derivado da integración destas fundacións no sector público.

O decreto non pode substituír a negociación colectiva

As fundacións biomédicas están negociando actualmente o seu II Convenio Colectivo, mentres que a Fundación Pública Galega de Medicina Xenómica negocia o primeiro.

Durante a Mesa, a Administración sostivo que as condicións económicas xa quedan establecidas no propio decreto.
CIG Saúde está totalmente en contra desta afirmación.
O Decreto establece unhas condicións mínimas, pero en ningún caso fixa todas as condicións laborais nin substitúe a negociación colectiva.

Correspóndelles aos convenios colectivos concretar as retribucións, a carreira profesional e as particularidades de cada posto, sempre respectando eses mínimos. Pretender que o decreto pecha ese debate supón baleirar de contido a negociación colectiva e limitar dereitos laborais recoñecidos.

A propia Administración comprometeuse a remitir unha memoria económica, recoñecendo implicitamente que a memoria presentada nin sequera resolve esta cuestión.

A clasificación dos postos R4 incumpre os propios criterios da memoria da Xunta

A propia memoria establece que a categoría R4 corresponde aos postos de dirección de centros, organismos, unidades ou estruturas de investigación.

Porén, o listado presentado limita practicamente esta categoría ás direccións dos organismos.

A Xunta ignora tanto o criterio recollido na propia memoria como o establecido no Decreto 12/2024, incluso ao artigo do decreto que recoñece a clasificación dos convenios de referencia, deixando fóra postos que dirixen unidades e liñas de investigación e que, conforme aos seus propios criterios, deberían ser clasificados como R4.

Nin sequera aplican os criterios que eles mesmos redactaron.

A Xunta perde unha oportunidade histórica para dignificar a investigación pública

A crítica de CIG Saúde vai moito máis alá deste listado.

Este decreto podería servir para mellorar realmente as condicións laborais de todo o persoal que sostén a investigación pública galega.

Porén, a Xunta decidiu limitar os seus efectos a unha pequena parte do persoal investigador, deixando fóra á maioria das profesionais que realizan tarefas imprescindibles para que exista investigación pública.

Persoal técnico, persoal de apoio, persoal de investigación clínica, persoal de xestión da investigación e moitos outros colectivos continuarán exactamente nas mesmas condicións de precariedade.

Nas entidades que dispoñen de convenio colectivo, como as Fundacións de Investigación Biomédica ou as que o están a negociar como a Fundación Pública Galega de Medicina Xenómica, aínda existe a oportunidade de corrixir estas desigualdades durante a negociación dos convenios. A Xunta pode optar por garantir condicións dignas para todo o persoal ou, pola contra, consolidar discriminacións salariais e profesionais entre persoas que desenvolven o seu traballo nos mesmos centros de investigación.

Nas entidades que nin sequera contan cun convenio colectivo propio, a situación será aínda peor. O persoal continuará sufrindo a mesma precariedade laboral de sempre, demostrando que a Xunta non ten ningunha intención real de mellorar as condicións do conxunto da investigación pública galega.

Desde CIG Saúde advertimos que, cando se produzan situacións nas que persoas que realizan traballos equivalentes reciban un trato distinto, defenderemos o principio de "a igual traballo, igual salario", utilizando todas as vías de negociación e tamén as accións xudiciais que sexan necesarias.

A CIG denuncia unha nova chapuza da Xunta

A Xunta pretende aprobar un listado desfasado, non consensuado e cheo de erros, elaborado sen negociación coa representación sindical dos centros de traballo e sen resolver cuestións fundamentais que afectan ao persoal.

O exemplo das fundacións sanitarias é especialmente ilustrativo: nelas traballan arredor de 600 persoas dedicadas á investigación, mentres que esta proposta só afecta a 28 postos.

Se esta mesma proporción se traslada ao conxunto das entidades públicas galegas dedicadas á investigación, a conclusión é evidente.

A Xunta está a crear dúas categorías de persoal adicado á investigación.

Un grupo moi reducido poderá acceder ás condicións mínimas necesarias para desenvolver unha carreira profesional estable e mellorar parcialmente as súas condicións laborais.

Mentres tanto, a inmensa maioría do persoal investigador, técnico, de apoio e de xestión continuará exactamente na mesma precariedade de sempre.

Esta diferenza será aínda máis evidente no conxunto do sistema público galego de investigación, onde o número de persoas excluídas deste decreto multiplica exponencialmente ás poucas que poderán beneficiarse del.

A investigación pública galega necesita estabilidade, salarios dignos e carreiras profesionais para todo o persoal. O que presenta a Xunta é unha nova chapuza administrativa promovida por intereses políticos, que crea persoal de primeira e de segunda e renuncia a resolver os problemas estruturais da investigación pública en Galicia.

A mesa negociadora constituíuse en xullo de 2025 e as negociacións comezaron en setembro de 2025.

Tras a reunión do 28 de xullo de 2026 xa están convocadas novas reunións para os meses de setembro e outubro, nas que deberán pecharse os principais asuntos pendentes.

Que se leva avanzado?

• Xa quedaron pechados: dereitos e deberes, seguridade e saúde laboral,
  réxime disciplinario, representación sindical, confidencialidade, propiedade industrial e intelectual, formación, dereitos das vítimas de violencia de xénero, igualdade, uso do idioma e na última reunión o capítulo de réxime de persoal.
• Atópanse practicamente pechados: disposicións xerais, horarios e
  vacacións, permisos, excedencias e conciliación.
• Continúan pendentes: clasificación profesional sistema retributivo e
  disposicións transitorias e derradeiras.

Xornada

Na reunión do 28 de xullo pechouse o acordo sobre o modelo horario e xornada.

Na negociación do convenio acadouse un acordo de especial importancia: queda recoñecido por escrito o dereito do persoal da FPGMX a ter a mesma xornada anual que o persoal estatutario do SERGAS, consolidando un dereito.

Ademais, tamén queda formalmente recoñecido o dereito á flexibilidade horaria, cunha marxe de unha hora na entrada e outra na saída, favorecendo a conciliación da vida laboral e persoal. O acordo completa a regulación das quendas ordinarias de traballo, tanto fixas como rotatorias, dotando de maior seguridade xurídica á organización da xornada.

Apróbase a regulación da “disponibilidade horaria”.

Queda pendente o artigo de horas extraordinarias, diferenciando claramente estas da flexibilidade horaria.

Persoal financiado con programas (personal de investigación)

Outro dos principais puntos de desacordo é a aplicación do convenio ao persoal contratado con cargo a programas e convocatorias de financiamento externo.

A Administración continúa pretendendo limitar dereitos como o acceso ás
excedencias do persoal contratado con financiamento externo. A CIG-Saúde rexeita esta posición.

A Administración propón limitar a aplicación do convenio a este persoal,
chegando a cuestionar dereitos en materias como as excedencias, a modalidade ou tipo de vínculo contractual, as condicións retributivas e outros aspectos das condicións laborais. A CIG-Saúde rexeita frontalmente esta posición. O convenio colectivo debe ser de aplicación íntegra para todo o persoal, con independencia da orixe do financiamento do seu contrato. Só poderán existir excepcións naqueles supostos nos que a propia convocatoria de financiamento ou unha norma de rango superior establezan expresamente unha limitación.

Persoal afectado polo Decreto 10/2024 (persoal de investigación)

A Administración pretende establecer un tratamento específico para o persoal afectado polo Decreto 10/2024 do persoal investigador da Xunta de Galicia.

A CIG-Saúde rexeita que este persoal quede excluído do convenio con carácter xeral.

A administración facilitou no seo da mesa xeral de Función Pública un listado de postos afectados co que a CIg-Saúde está totalmente en desacordo.

CIG-Saúde foi o único sindicato que non asinou este decreto.

O seguinte paso: a negociación económica

Unha vez practicamente pechada a estrutura do convenio, resta negociar unha das partes máis importante: salarios, complementos, trienios e carreira profesional.

Correspóndelle agora á Administración presentar unha proposta salarial. A CIG-Saúde defenderá a equiparación das táboas salariais coas do persoal
estatutario do SERGAS.

A CIG-Saúde defenderá a equiparación salarial co persoal estatutario do SERGAS. Os procesos de integración das persoas investigadoras como persoal estatutario e do persoal afectado polo Decreto 10/2024 fan inaceptable unha dobre escala salarial na que a maior parte do persoal das fundacións consolide unhas condicóns retributivas peores.

A CIG-Saúde seguirá defendendo

• Un convenio para todo o persoal, sen exclusións.
• A equiparación salarial co SERGAS.

Seguiremos informando de cada avance na negociación.

Na mesa sectorial do 29 de xullo de 2026 tratáronse as alegacións ao cadro de prazas ofertadas no CTAP do ano 2026.

Acordouse eliminar da oferta as prazas de enfermeira/o e enfermeira/o especialista con perfil de ESAD en tanto non se definan na mesa sectorial as condicións laborais e retributivas destes postos.

A primeiros de agosto publicarase o listado de persoas admitidas e excluídas no CTAP deste ano 2026.

Na última semana de agosto publicarase o cadro de prazas ofertadas e abrirase un prazo de 15 días para a modificación no FIDES das solicitudes de prazas.

CIG-Saúde denunciou o abuso das xerencias na transformación das prazas fixas en quendas deslizantes, para a asignación de quendas de forma arbitraria por parte da Administración.

A mesa negociadora constituíuse en xullo de 2025 e as negociacións comezaron en setembro de 2025.

Tras a reunión do 28 de xullo de 2026 xa están convocadas novas reunións para os meses de setembro e outubro, nas que deberán pecharse os principais asuntos pendentes.

Que se leva avanzado?
• Xa quedaron pechados: dereitos e deberes, seguridade e saúde laboral, réxime disciplinario, representación sindical, confidencialidade, propiedade industrial e intelectual, formación, dereitos das vítimas de violencia de xénero, igualdade e uso do idioma.

• Atópanse practicamente pechados: disposicións xerais, xornada, horarios e vacacións, permisos, excedencias e conciliación.

• Continúan pendentes: clasificación profesional, réxime de persoal e contratación, sistema retributivo e disposicións transitorias e derradeiras.

Xornada

Na reunión do 28 de xullo acadouse un acordo sobre o modelo horario: - Presenza obrigatoria entre as 9:00 e as 14:00. - Flexibilidade entre as 7:00 e as 19:00.

Queda por acordar o prazo de compensación da flexibilidade. A Xunta compénsaa nun mes e a parte social propón tres meses. Seguimos sen acordo sobre o total de horas anuais. A CIG-Saúde continúa defendendo as 1.533 horas anuais do persoal estatutario do SERGAS. A Administración négase a fixar unha cifra e limítase a indicar que será a mesma que a do persoal ao servizo da Administración da Xunta.

Tamén queda pendente o artigo de horas extraordinarias, diferenciando claramente estas da flexibilidade horaria.

Persoal financiado con programas

Outro dos principais puntos de desacordo é a aplicación do convenio ao persoal contratado con cargo a programas e convocatorias de financiamento externo.

A Administración continúa pretendendo limitar dereitos como o acceso ás excedencias do persoal contratado con financiamento externo. A CIG-Saúde rexeita esta posición.

A Administración propón limitar a aplicación do convenio a este persoal, chegando a cuestionar dereitos en materias como as excedencias, a modalidade ou tipo de vínculo contractual, as condicións retributivas e outros aspectos das condicións laborais. A CIG-Saúde rexeita frontalmente esta posición. O convenio colectivo debe ser de aplicación íntegra para todo o persoal, con independencia da orixe do financiamento do seu contrato. Só poderán existir excepcións naqueles supostos nos que a propia convocatoria de financiamento ou unha norma de rango superior establezan expresamente unha limitación.

Persoal afectado polo Decreto 10/2024

A Administración pretende establecer un tratamento específico para o persoal afectado polo Decreto 10/2024 do persoal investigador da Xunta de Galicia.

A CIG-Saúde rexeita que este persoal quede excluído do convenio con carácter xeral.

A administración facilitou no seo da mesa xeral de Función Pública un listado de postos afectados co que a CIg-Saúde está totalmente en desacordo.

CIG-Saúde foi o único sindicato que non asinou este decreto.

Estabilidade no emprego

A prioridade sindical é negociar un verdadeiro proceso de estabilización do persoal. Defendemos que o contrato laboral fixo sexa o contrato ordinario de referencia e que se limite o uso do contrato indefinido de actividades científico-técnicas aos supostos realmente excepcionais.

O seguinte paso: a negociación económica

Unha vez practicamente pechada a estrutura do convenio, resta negociar unha das partes máis importante: salarios, complementos, trienios e carreira profesional.

Correspóndelle agora á Administración presentar unha proposta salarial. A CIG-Saúde defenderá a equiparación das táboas salariais coas do persoal estatutario do SERGAS.

A CIG-Saúde defenderá a equiparación salarial co persoal estatutario do SERGAS. Os procesos de integración das persoas investigadoras como persoal estatutario e do persoal afectado polo Decreto 10/2024 fan inaceptable unha dobre escala salarial na que a maior parte do persoal das fundacións consolide unhas condicóns retributivas peores.

A CIG-Saúde seguirá defendendo

• Un convenio para todo o persoal, sen exclusións.
• A estabilidade no emprego.
• A equiparación salarial co SERGAS.
• Unha regulación da xornada que favoreza a conciliación familiar e da vida persoal.

Seguiremos informando de cada avance na negociación.

Proposta de solicitude de un novo encadre en función dos anos traballados.

CIG-Saúde solicitamos que se abra a negociación dun novo encadre que sitúe a cada quen no grao que lle corresponda por experiencia profesional. Logo de insistir, quedouse en presentar unha proposta modulada de encadramento.

Proposta de que o tempo de residencia compute a efectos de permanencia.

CIG-Saúde solicitamos que se amplíe de 1 a 2 os anos a computar o tempo de residencia a efectos de permanencia na carreira profesional. Con isto computaríanse os 2 anos ás EIR, e nas residencias de 3 e 4 anos computarían tamén 2 anos.

Quedou pendente de facer o SERGAS unha proposta na seguinte comisión de carreira.

Proposta de que o grao inicial sexa de oficio.

CIG-Saúde solicitamos que o acceso ao grao inicial sexa de oficio posto que non implica ningunha valoración, quedando os graos I a IV a que teñan que solicitarse voluntariamente por parte da persoa interesada.

Quedou pendente o SERGAS de traer unha proposta á seguinte comisión de carreira.

Outros temas.

CIG-Saúde solicitamos unha puntuación en compromiso coa organización para as profesionais que acollan a persoas con discapacidade intelectual. Queda pendente valorar unha proposta para a seguinte mesa.

CIG-Saúde solicitamos que en compromiso coa organización, que se valore ás persoas que poidan acreditar que acolleron a profesionais de nova incorporación. Acórdase definir a acollida, como se acredita e modular como se puntúa. Queda pendente para a próxima comisión.

CIG-Saúde solicitamos que os servizos prestados en centros da UE se contabilicen para o cómputo da permanencia. O SERGAS contesta que a día de hoxe non están contando ese tempo.

CIG-Saúde solicitamos un proceso de integración para o persoal laboral e funcionario do SERGAS, que ten recoñecido un grao de carreira pero non teñen opción de integrarse para poder percibir o complemento de carreira.

CIG-Saúde solicitamos regularización económica dos graos I e II do proceso extraordinario de fundacións que quedaron cun valor inferior ao do resto de traballadores/as do SERGAS cando na crise económica se suspenderon os acordos.

Apróbase a convocatoria de carreira para o ano 2026.

Calendario previsto:

• Apertura de solicitudes: Primeira quincena de agosto (para persoal con vínculo activo do 1 de agosto ao 30 de setembro).
• Prazo de solicitude: Ata o 30 de setembro.
• Subsanación solicitudes en estado borrador ou pendentes de confirmación: Do 1 de outubro ao 16 de novembro (con avisos por SMS e Notifica.gal).
• Lanzamento de enquisas: A mediados de outubro (tras pechar a convocatoria).

Na Área IV en Compromiso coa organización poderase obter 1 punto para esta convocatoria:

• Por contestar todas as enquisas que reciba o profesional a través do FIDES.
• Por realizar os cursos (1 punto/curso):
  • Sostibilidade no Servizo Galego de Saúde.
  • A comunicación coas persoas xordas na consulta.
  • Coñece a túa organización. Está pendente de que nos confirmen este curso de ACIS.

CIG-Saúde denunciamos que o curso de Sostibilidade no Servizo Galego de Saúde segue a ter un único intento. Solicitamos que se permitan dous intentos.

Outras cuestións importantes

Enviarán avisos por SMS e correo electrónico a todas as persoas que poden acceder a un grao de carreira nesta convocatoria, ditos avisos reiteraranse 4-5 veces durante o prazo de presentación de solicitudes.

No caso das solicitudes de grao que impliquen a permuta do grao anterior, FIDES mostrará un aviso que a persoa solicitante deberá confirmar antes de continuar coa tramitación. Así mesmo, cando a solicitude se asine mediante certificado dixital, o propio documento recollerá expresamente que a solicitude implica a permuta do grao anterior, deixando constancia de forma explícita desta circunstancia.

No FIDES pode visualizarse no apartado de Expediente de carreira os días de permanencia computados en tempo real en cada unha das categorías.

Aclárase que o curso de competencias dixitais intermedias organizado por AMTEGA de 250 horas, é un curso transversal de informática e como tal puntúase en horas.